Dırnaq altında müxtəlif mikroblar, bakteriyalar və qurd yumurtaları toplanır. Biz əllərimizi yusaq da onlara təsir edə bilmirik. Dırnaq yeyənlər asanlıqla həmin mikroorqanizmlərə yoluxur, ona görə də dırnaqlar tez-tez tutulmalıdır. 

Aztibb.az xəbər verir ki, bu barədə həkim-fitoterapevt Fizuli Hüseynov məlumat verib. 

Həkimin sözlərinə görə, dırnaqətrafı dərini yeyənlər və dırnaqlarına manikür etdirənlər onların ətrafındakı sərtləşmiş dərini kəsdirdiyindən dərinin müdafiə qabiliyyəti azalır və dırnaqların altındakı ziyanlı mikroorqanizmlər asanlıqla bədənimizə keçə bilir. Bundan başqa, kimləsə əl verib görüşəndə də dəridə yaşayan HPV (humulus papilloma virusları), mikroblar və göbələklər dərinin zədələnmiş nahiyələrindən bədənimizə keçə bilir, bu zaman dəri kondilomaları və kandidozlar əmələ gəlir.

F.Hüseynov qeyd edib ki, dırnaqlarını yeyən uşaqların həmin vərdişini tərgitmək üçün barmaqlarına acı bibər və ya acırğa kökü sürtülə bilər.