Ümumi qan analizi əsasən qanımızda olan hüceyrələrin miqdarını və vəziyyətini göstərir.
Qan hüceyrələri bunlardır:
Eritrositlər, leykositlar və trombositlər.
Analizlərin düzgün verilmə qaydası:
Əksər hallarda qan səhər saatlarında ac qarına götürülür. Bu o deməkdir ki, son qida qəbulu azı 8 saatı (ideal olaraq isə 12 saatdan az olmayaraq) keçməlidir. Bu müddət ərzində su qəbulu analizə əks təsir göstərmir. Şirə, çay, qəhvə də qanın ümümi göstəricilərinə təsir edə bilər.
Analizdən 1-2 gün əvvəl rasiondan spirtli içki çıxarılmalıdır.
Analiz verməzdən əvvəl siqaret çəkmək, ağır fiziki iş görmək və idmanla məşğul olmaq olmaz.
Qan analizini verməzdən əvvəl rentgen və USM, fizioterapiya, massaj prosedurlarından keçmək məsləhət görülmür. Bütün bunlar analizin nəticələrinə təsir edə bilər.
