İlk dəfə 23 fevral 2011-ci il tarixində professor, Dr. Məhəmməd Kərimovun rəhbərliyi ilə Bakı Sağlamlıq Mərkəzində (BSM) Endovenoz lazer ablasiya əməliyyatı icra edilmişdir.
BSM-də bu əməliyyatın icrasının 10 ilinin tamam olması münasibətilə tədbir keçirilib.
Tədbirdə klinikanın icraçı direktoru Asiman Həsənov, baş həkimi Elxan Hacıyev, klinikanın həkim heyəti, tibbi və inzibati heyət iştirak ediblər. Toplantıda prof. Məhəmməd Kərimova Endovenoz lazer ablasiya əməliyyatının icrası ilə bağlı fikirlərini bölüşüb, əməkdaşlara gələcək fəaliyyətlərində uğurlar arzulayıb.
Qeyd edək ki, bu əməliyyat yüksək kosmetik effekt əldə etməyə imkan verən müasir metoddur. Bu üsulla kəsiksiz, tikişsiz, narkozsuz, ağrısız yolla varikozdan xilas olmaq mümkündür.