Weill Cornell Tibb Elmləri İnstitutunun alimləri tərəfindən aparılan araşdırmada COVID-19 xəstələrinin müalicə olunduğu Nyu Yorkdakı xəstəxanalardan birində doğuş edən 88 qadının qan nümunələri analiz olunub. Tədqiqat zamanı anadan olan körpələrin 78 faizinin göbək ciyəsindən alınan qan nümunələrində anticisimlər müəyyən edilib.

Aztibb.az medimagazin.com.tr-yə istinadən xəbər verir ki, tədqiqatın nəticələri "American Journal of Obstetrics and Gynecology"də nəşr olunub.

Araşdırmada iştirak edən qadınlarda daha əvvəl COVID-19-a yoluxduqlarını göstərən anticisimlər tapıldığı və 58 faizinin xəstəliyi asimptomatik keçirdiyi bildirilib.

Mütəxəssislər COVID-19 testi nəticəsində körpələrdə aktiv virus olmadığını və anticisimlərin plasenta vasitəsilə anadan ötürüldüyünü göstərib.

Araşdırmada COVID-19-u simptomatik keçirən anaların anticisim səviyyəsinin asimptomatik keçirənlərdən daha yüksək olduğu qeyd edilib.