Yod tiroid vəzinin normal işləməsi və sağlamlıq üçün lazım olan vacib elementidir. Bu vəzin istehsal etdiyi hormonlar immunitet sisteminə və beyinə təsir göstərir.

Aztibb.az xəbər verir ki, bu barədə Ümumdünya Səhiyyə Təşkilatının məlumatında deyilir.

Qeyd edilib ki, dünyada 50 milyon insan yod çatışmazlığından qaynaqlanan müxtəlif dərəcəli beyin xəstəliklərində əziyyət çəkir. Suyun və torpağı bu elementlə yetərincə zəngin olmadığı bölgələrdə problem daha kəskindir.

Yod çatışmazlığının əlamətləri hansılardır?

Boyunun ön hissəsinin şişməsi

Boyunun ön hissəsinin şişməsi bədəndə yod çatışmazlığının ən çox görülən əlamətlərindən biridir. Bu iz elementinin çatışmazlığı ilə tiroid vəzi daha aktiv işləməyə başlayır və hormon istehsalını artırır. Nətcədə qaşınma meydana gəlir. 

Kökəlmək

Əsassız kilo almaq da yod çatışmazlığının əlaməti ola bilər. Tiroid hormonları maddələr mübadiləsinə təsir edir və səviyyələri düşərsə, bədəndə kalori yanmasını ləngidir.

Artan yorğunluq

Oyandıqdan dərhal sonra yorğunluq hiss edirsinizsə, gün boyu enerjiyə və gücə ehtiyacınız varsa, bu, yod çatışmazlığının əlaməti ola bilər. Bu simptom yod çatışmazlığı olan insanların 80 %-də müşahidə olunur.

Saç tökülməsi

Tiroid hormonları saç köklərinin fəaliyyətinə də təsir göstərir. Yod çatışmazlığı bu hormon səviyyəsini aşağı saldıqda, follikul bərpası gecikə bilər və saç tökülməsinə səbəb olar.

Quru və qabıqlı dəri

Quru dəri də yod çatışmazlığının əlaməti hesab edilir. Tədqiqatlar tiroid hormonu səviyyəsinin aşağı olan insanların 77 %-ə qədəri hüceyrə regenerasiyasının pozulması səbəbindən dəri problemi yaşadığını göstərir.