Müasir insanın sinir sistemi daim ciddi yükləmələrə məruz qalır. Bu xüsusilə böyük şəhərlərdə yaşayan və işləyən insanlara aiddir.

Sinir sistemi uzun müddət ərzində "dözür", lakin sonra onda müxtəlif pozulmalar yaranmağa başlayır.

İnsanın sinir sistemi ürək-damar, endokrin, həzm, immun sistemləri ilə sıx əlaqəli olduğundan bu sistemlərdə də müxtəlif problemlər yaranır.

Aztibb.az xarici KİV-ə istinadən bildirir ki, zəifləmiş sinir sisteminin əlamətləri bunlardır:

- səbəbsiz narahatlıq, qorxular, pis fikirlər;

- apatiya, həyata marağın azalması;

- əsəbilik;

- gecə yuxusunun pozulması, günorta saatlarında isə əksinə yuxululuq;

- səbəbsiz, keçməyən yorğunluq;

- iş qabiliyyətinin azalması;

- diqqət, yaddaş və təfəkkürün zəifləməsi;

- tez-tez təkrarlanan baş ağrıları;

- iştahın azalması və ya əksinə patoloji artması, həzm proseslərinin pozulması;

- ürək döyünməsinin artması;

- qan təzyiqinin gah qalxması, gah da düşməsi.  

Bu simptomlara rast gəlinərsə həyat tərzində bəzi dəyişikliklər edilməlidir. Bunun üçün daha çox yatmaq və dincəlmək, kompüter və telefondan daha az istifadə etmək, açıq havada gəzmək, fiziki aktivliyi artırmaq, idmanla məşğul olmaq, qidalanmaya fikir vermək lazımdır. 

Xalq təbabətində sinir sisteminə müsbət təsir edən bir çox vasitələr var. Nanə, melissa, passifora, pişikotu, çobanyastığı, dazıotu, yemişan kimi bitkilər sinir sisteminə çox yaxşı təsir edir, sakitləşdirir, tənzimləyir, yuxunu yaxşılaşdırır.

Otları qarışdırıb hər gün bu qarışıqdan 1 ç.q götürüb 1 fıncan isti suda dəmləyib adi çay kimi içə bilərsiniz. Otları ayrı-ayrı da istifadə etmək olar.