Hifema gözün ön kamerasına qansızma ilə xarakterizə olunan patoloji vəziyyətdir.

Aztibb.az xəbər verir ki, bu barədə oftalmoloq Pərvanə Quliyeva məlumat verib.

O, bildirib ki, hifemanın klinik əlamətlərinə göz önündə "duman" və ya "örtüyün" olması, görmə itiliyinin azalması, fotofobiya aiddir.

"Hifemanın diaqnostikası gözün ön kamerasına baxış, biomikroskopiya, qonioskopiya, vizometriya, tonometriya, B rejimli ultrasəs skanlamaya əsaslanır. Xəstəliyin mərhələsindən asılı olaraq, kortikosteroidlər və midriatiklərlə kombinəolunmuş konservativ müalicə göstəriş sayılır. Cərrahi müdaxilə ön kameranın yuyulmasından və trabekulektomiyadan ibarətdir".