Rusiya Elmlər Akademiyasının İ.M Seçenyov adına Təkamül Fiziologiyası və Biokimya İnstitutunun alimləri diabet və metabolik sindrom zamanı təyin edilən məşhur dərman vasitəsinin reproduktiv sistemə təsirini tədqiq ediblər.

Aztibb.az-ın meddaily.ru-ya istinadən məlumatına görə, məlum olub ki, metformin hormonal problemlər və sonsuzluqla rastlaşan pasiyentlərdə yumurtalıqların və xayaların işinin bərpasına imkan yaradır.

Onun, həmçinin təzə doğulmuş körpələrin sağlamlığına müsbət təsiri sübut edilib.

Tədqiqatlar göstərib ki, metformin süni mayalanma prosedurunun effektivliyini artırır, yumurtalıqlarda polikistik over sindromunun müalicəsində (ovulyasiyaların tezliyini 2 dəfə yüksəltməklə hamiləlik ehtimalını 46%-ə qədər artırır) kömək edir. Onun klomifen-sitratla eyni zamanda qəbulu xüsusilə effektivdir.

Daha bir müsbət xüsusiyyət - metformin diabeti və metabolik sindromu olan və testosteron defisiti səbəbindən spermatozoidlərin sayında  azalma qeyd edilən pasiyentlərdə spermatozoidlərin hazırlanmasına imkan yaradır.