Limerick Universitetinin apardığı tədqiqat nəticəsində məlum olub ki, vicdanlı insanlar daha uzun ömür sürürlər. Bu faktı alimlər immun sisteminin işi ilə əlaqələndirirlər. Belə ki, immunitetin xroniki iltihabı təhrik edən həddən artıq fəallığı ağır xəstəliklərin inkişafına və vaxtından əvvəl ölümə səbəb ola bilər.

Aztibb.az meddaily.ru-ya istinadla xəbər verir ki, tədqiqat çərçivəsində ekspertlər təxminən 1000 insanın məlumatlarını analiz ediblər. Tədqiqatın başlanğıcında iştirakçıların yaşı orta hesabla 59 olub. Könüllülər üzərində müşahidələr 14 il davam edib. Bu zaman könüllülər şəxsiyyətin əsas keyfiyyətlərini göstərən testdən (xeyirxahlıq, vicdan, emosional sabitlik, ünsiyyətçillik və intellekt) keçiblər. Həmçinin qanın iltihab biomarkerləri üzrə analiz də verilib.

Məlum olub ki, vicdan (məsuliyyətli, ədəbli, hazırlıqlı olmaq, özünə nəzarət qabiliyyətlərini ehtiva edən) cədvəli üzrə minimal balları toplamış insanlarda vaxtından əvvəl ölüm riski bu kateqoriyada balların maksimumunu toplamış insanlarla müqayisədə, 40% daha yüksəkdir.

Qeyd olunur ki, güclü vicdana malik insanlarda interleykinin səviyyəsi çox aşağı - 6 olub. Bu, immun sisteminin fəallığını göstərən və yaşla əlaqəli xəstəliklərin inkişafında əhəmiyyətli rol oynayan biomarkerdir.