Hazırlanması 10 dəqiqə vaxt tələb edən bu resept qış vaxtı xəstəlikləri müalicə etməyə kömək edir. 

Aztibb.az immun sistemini gücləndirən resepti təqdim edir:

Bal 150 qr;

Balqabaq 200-300 qr; 

Laym 1 ədəd;

Limon 1 ədəd;

Zəncəfil kökü 1 ədəd;

Şəkər (qəhvəyi) 150 qr.

Limon və laymın üzərinə acılığı çıxması üçün qaynar su tökülür. Balqabaq və zəncəfil xırda-xırda doğranır. Zəncəfilin kəskin dadını xoşlamırsınızsa ½ stəkan zəncəfil kökü kifayət edər. Limon və laym qabıqlı doğranılır, tumlardan təmizlənilir. Bütün bunlar bir qaba yerləşdirilir, üzərinə bal və şəkər əlavə olunur, bütöv kütlə alınana qədər blenderdən keçirilir.

Bu qarışımı uzun müddət soyuducuda saxlamaq olar. Çayla içmək, desertdə pecenye, blinçiklərlə birlikdə qəbul etmək olar.