Koronavirusun C vitamini və sinklə müalicəsi təsirsizdir və bədənə zərər verə bilər.
Aztibb.az xəbər verir ki, bu barədə "JAMA Network Open" jurnalında dərc olunmuş elmi məqalədə qeyd olunub.
Bildirilib ki, C vitamini xəstəlik müddətini qısaltmır. Alimlər təcrübədə iştirak edən 214 nəfəri dörd qrupa bölüb. Onlardan üçü ayrı-ayrılıqda və ya birlikdə göstərilən əlavələri, dördüncüsü isə istirahət daxil olmaqla antipiretik dərmanlar qəbul edib.
"Yüksək dozada sink qlükonat, sink askorbin turşusu (C vitamini) və ya hər ikisi SARS-CoV-2 simptomlarını azaltmayıb. Vitamin əlavələri qəbul edən qruplarda əks təsirlər qeydə alınıb. Bunlara ürəkbulanma, ishal və mədə spazmı daxildir", - deyə Klivlend Klinikasının kardioloqu Dr. Milind Desai bildirib.
Soyuqdəymə əlamətləri aşkarlandıqdan sonra ilk gündə sink qəbul etmək xəstəlik müddətinin yalnız bir gün azalmasına kömək edir. Eyni zamanda, gündəlik C vitamini qəbulu qadınlarda 75 milliqramı, kişilərdə 90-ı keçməməlidir.
