Saçlara qulluq edərkən bir neçə qaydaya əməl etmək lazımdır. Saçlara edilən qulluq baş dərisini kəpəkdən qoruyur, saç uclarının haçalanmasının qarşısını alır, onlara həcm verir  və uzanmasına səbəb olur. 

Aztibb.az saçlara qulluq zamanı diqqət yetirilməli məqamları təqdim edir:

- Yumazdan əvvəl saçlar daranmalıdır.
- Daraq taxta və ya yumşaq materialdan olmalıdır.
- Şampundan istifadə edən zaman şampunu birbaşa saçın üzərinə deyil, bir miqdar su ilə qatıb saça sürtmək lazımdır.
- Yağlı saçlar 2-3 gündən, quru saçlar isə 5-7 gündən bir şampunla yuyulmalıdır.
- Saçları qurudan zaman fen uzaqdan tutulmalıdır.

Saçlara qulluq üçün reseptlər:

Quru saçlar üçün:

- 2 yumurtanın sarısı, 2 xörək qaşığı balqabaq yağı ilə qarışdırılıb yumazdan əvvəl saçların dibinə sürtülür, 1 saat sonra saçlar şampunla yuyulur.
- ev şəraitində hazırlanmış mayonez saçlara sürtülür, 1 saat sonra şampunla yuyulur.
- badam yağı, qırmızı istiot yağı ilə qarışdırılıb saçlara sürtülür, 1 saat sonra yuyulur.

Yağlı saçlar üçün:

- 2 yumurtanın sarısı 2 xörək qaşığı kefirlə qarışdırılıb saçlara sürtülür, saçların dibi yüngülcə masaj edilir, 1 saat sonra yuyulur.
- 2 xörək qaşığı xardal tozu isti suya tökülüb, smetanabənzər maddə şəkli alana qədər qarışdırılır, saçlara sürtülüb 20 dəqiqə sonra yuyulur.
- 100 qram quru gicitkən yarpağını yarım litr suya töküb, üzərinə 1 stəkan sirkə əlavə edib 30 dəqiqə qaynadılır. Soyuduqdan sonra hər dəfə bu qarışımdan 1 qaşıq 1 litr suya tökülür və saçlar yaxalanır.