Uşaqlarda son günlər görülən yüksək qızdırmanın əsas səbəblərindən biri, Roseola İnfantum adlı, 6-cı xəstəlik deyə bildiyimiz, HHV 6 tərəfindən törədilən virus infeksiyasıdır.
Aztibb.az xəbər verir ki, bu barədə Pediatr Günay Rəsulova sosial şəbəkə hesabında məlumat verib.
Həkim bildirib ki, 3-4 gün yüksək qızdırma, bəzən qızdırmaya bağlı febril qıcolma belə verə bilən, dərmana çətin tabe olan, dirəncli qızdırma, qızdırmanın ardından üzdən başlayıb bədənə yayılan səpgi ilə bitən xəstəlikdir:
"Valideynlər bunu çox zaman qızılça, məxmərək xəstəliyi, bəzən də allergiya ilə səhv salırlar, körpələrə gərəksiz müalicələr aparılır. Əsasən ilk 2-3 yaş körpələrdə rast gəlinir. Müalicəsi, yalnız simptomatik aparılır. Antibiotikə ehtiyac yoxdur".
