Aztibb.az xəbər verir ki, seminarda fəal iştirak edən Dr.Fərəh Vahabova 8 kredit balı qazanmış və Səhiyyə Nazirliyinin sertifikatına layiq görülmüşdür. Məlum olduğu kimi, hazırda Azərbaycanda COVİD-19 pandemiyası ilə mübarizədə yanvarın 18-dən etibarən peyvəndləmə prosesinə başlanılıb və bu gün də bu proses mərhələ-mərhələ həyata keçirilir. Səhiyyə Nazirliyinin bu mövzuda təşkil etdiyi seminarlar koronavirus xəstələrinin müalicəsi ilə məşğul olan həkimlərimiz üçün çox önəmlidir.

 

Seminarda peyvəndləmənin insanların müxtəlif infeksiyalardan, o cümlədən bu günə ən təhlükəli virus olan COVID-19-dan qorunmasında rolundan, Azərbaycana gətirilən və insanlara vurulan peyvəndlərin tərkibindən, peyvəndlər vurularkən risk qrupuna daxil olan insanların xüsusiyyətlərinin mütləq nəzərə alınmasından, yanaşı xəstəlikləri olan insanlara peyvəndin təsirindən, vaksinlərin tərkibindən və minimum əlavə təsirindən, onların hansı texnologiyalarla hazırlanmasından və s. haqqında məlumatlar verilib.