Angina (tonzillit) boğazgəlmə ən çox rast gəlinən xəstəliklərdən biridir. Keçmiş zamanlardan şişmiş boğaz ətləri üstündən basılaraq müalicə olunurdu. Belə üsul qanaxma kimi ciddi ağırlaşmalara səbəb olduğundan Məhəmməd peyğəmbər onu qadağan etmiş və boğazgəlməni udi hindi ilə müalicə etməyi məsləhət görmüşdür.

 

Aztibb.az xəbər verir ki, bu fikirləri həkim-fitoterapevt Fizuli Hüseynov sosial şəbəkədə etdiyi paylaşımda bildirib.

 

F.Hüseynov resepti təqdim edərək bildirib ki, bir xörək qaşığı udi hindi tozu 3 xörək qaşığı bal ilə qarışdırılır, qarışıqdan gündə 4-5 dəfə boğazın içərisinə və badamcıqların üstünə çəkilir. Bu resept bir günə təsirini göstərir, buna baxmayaraq 4-5 gün istifadə olunması məsləhətdir. Uşaqlara istifadə edən zaman udi hindinin miqdarını bir qədər azaltmaq lazımdır.

 

Həkim-fitoterapevtin sözlərinə görə, ud hindinin yağı da anginaların müalicəsində çox faydalıdır, belə ki, gündə 3 dəfə hər dəfə də 3-4 damcı burun dəliklərinə arxası uzanıqlı vəziyyətdə tökülməlidir ki, yağ boğaza qədər çatsın, bu müalicəni 1 ay edə bilərsiniz.