Mədə qıcqırması mədə və yemək borusundakı bir sıra problemlər səbəbindən qarın və sinə nahiyəsinin yuxarı hissəsində yanğı və ağrı hissinin olmasıdır. Bu problemə çox sıx aralıqlarla rast gəlindikdə və davamlı olaraq dərman qəbuluna ehtiyac yarandıqda bu zaman onun mədə xəstəliyindən qaynaqlanması ehtimalı yüksəkdir və həkim baxışı tələb olunur.

Aztibb.az xarici KİV-ə istinadən mədə qıcqırması zamanı effektiv təsir göstərən məsləhətləri təqdim edir. 

-Az-az və tez-tez yemək yemək;
-Acı, yağlı və qızardılmış yeməklər, alkoqollu, turş və qazlı içkilər, sarımsaq, çiy soğan, şokolad, qəhvə, tünd çay qəbulunu məhdudlaşdırmaq;
-Yeməkdən sonra əyilib iş görməmək;
-Axşam yeməyini yatmazdan 2-3 saat əvvəl qəbul etmək;
-Çarpayının baş hissəsini 10 sm qaldırmaq;
-Qarın nahiyəsini kəmərlər, korset və bandajlar taxmamaq.

Reseptlər:

Kartof şirəsi:

1 ədəd çiy kartofun şirəsi çəkilir və səhər acqarına qəbul edilir.
1-2 xörək qaşığı kartof şirəsi yeməkdən yarım saat əvvəl qəbul edilir.

Toxum qarışığı:

Bərabər miqdarda razyana, bostan şüyüdü, cirə toxumları qarışdırılır, qarışıqdan 1 xörək qaşığı 1 stəkan qaynar suda 20 dəqiqə dəmlənir, hər gün 1-2 stəkan süzülmüş dəmləmə kiçik qurtumlarla içilir.

Bitki qarışığı:

Hərəsindən 1 xörək qaşığı dazıotu, bağayarpağı və çobanyastığı çiçəkləri qarışdırılır, üzərinə 2 stəkan qaynar su əlavə edilərək 2 saat dəmlənir. Süzüldükdən sonra gündə 2-3 dəfə yeməkdən əvvəl yarım stəkan qəbul edilir.