Uzaq Şərq Federal Universiteti Cenevrə Universiteti ilə birlikdə Yapon dənizində 15-18 metr dərinlikdə yaşayan dərisitikanlı Ophiura sarsii dəniz canlısında xərçəngin müalicəsində kömək edə bilən bioloji aktiv maddənin olduğunu aşkar ediblər.

Aztibb.az meddaily.ru-ya istinadla xəbər verir ki, O.sarsii-dən alınmış molekulların üçqat neqativ süd vəzi xərçəngi hüceyrələrinin inkişafını dayandırmaq qabiliyyəti müvəffəqiyyətlə yoxlanılıb. O.sarsii-nin daha ətraflı analizi göstərib ki, bu canlıda fotodinamik terapiyada tətbiq olunan porfirin mövcuddur; o, sağlamlığa güclü zərər yetirmədən xərçəng hüceyrələrini öldürmək imkanına malikdir.

Həmçinin güman olunur ki, O.sarsii-dəki birləşmələr şiş hüceyrələrində süd vəzi, mədə xərçəngi, həmçinin xərçəngin bir sıra digər növlərinin üçqat neqativ formalarının inkişafının səbəblərindən biri olan WNT-siqnal yollarını bloklayır.

Porfirinin süni sintezi olduqca yüksək qiymətə başa gəlir. Onun təbii mənbədən alınması isə terapiyanın qiymətini əhəmiyyətli dərəcədə aşağı salmağa imkan verəcək.