Süd içmək insanın sümüklərinin sağlamlığı üçün vacib olsa da, diyetoloqlar onun istifadəsini məhdudlaşdırmağı məsləhət görürlər. Bunun bir neçə səbəbi var.

Bir tərəfdən, süd və süd məhsulları orqanizm üçün kalsiumun əvəzolunmaz mənbəyi hesab edilir. Digər tərəfdən, xüsusilə veqan diyetinə əməl edənlər südü "insan təbiətinə zidd" hesab edirlər, bəzən isə onun zərərlərinin xeyrindən çox olduğu bildirilir.

Aztibb.az medikforum.ru-ya istinadla xəbər verir ki, Stenordun Xəstəliklərin Profilaktikası üzrə Tədqiqat Mərkəzinin tədqiqatçısı, professor Kristofer Qardner iddia edir ki, kalsiumun gündəlik istehlakını alternativ məhsulların köməyi ilə təmin etmək olar.

Südün həddən artıq istehlak zamanı sağlamlıq üçün zərərli ola bilən maddələr də nəzərə alınmalıdır. Doymuş piylərin əsasını təşkil edən natrium sağlam və effektiv ürək-damar sisteminin düşmənidir.

Bununla belə, südün istehlakı və yüksək təzyiq, ürək tutması və s. kimi problemlər arasında bilavasitə əlaqə qurmaq mümkün olmayıb. Ekspertlər imkan daxilində az yağlı süd seçməyi və gün ərzində süd və süd məhsullarının üç porsiyasını ötməməyi məsləhət görürlər. Hər zaman balanslaşdırılmış qidalanmaya əməl olunmalıdır.

Südün istifadəsi laktoza dözümsüzlüyü olan insanlar üçün də problem yarada bilər.