İlin birinci yarısında COVAX proqramı çərçivəsində 145 ölkədə əhalinin ən azından 3.3 faizi peyvənd olunacaq.

Aztibb.az xəbər verir ki, bu barədə COVAX təşəbbüsündə iştirak edən ölkələr arasında koronavirusa qarşı vaksinlərin paylanmasının ilk aralıq proqnozunda deyilir. Azərbaycan bu təşəbbüsün üzvüdür.

Xatırladaq ki, COVAX COVID-19 əleyhinə vaksinlərin mərkəzləşdirilmiş şəkildə satın alınması və paylanması üzrə unikal təşəbbüsdür. Bu təşəbbüs çərçivəsində hökumətlər və istehsalçılar həm zəngin, həm də aşağı gəlirli ölkələrin peyvəndlə təmin edilməsi məqsədilə əməkdaşlıq edirlər.

COVAX çərçivəsində Azərbaycan 506 400 doza, Gürcüstan 184.800 doza AstraZeneca / Oxford və 29.250 doza Pfizer / BioNTech, Ermənistan isə 146.400 doz aAstraZeneca / Oxford alacaq.

Vaksinlərin ölkələrə çatdırılması prosesi fevral ayının sonunda başlanacaq.