Məlum olduğu kimi, nəfəs aldığımız hava koronavirusa yoluxma riskinə təsir edir.

Aztibb.az xarici KİV-ə istinadən xəbər verir ki, bu barədə rusiyalı allerqoloq-immunoloq Vladimir Bolibok məlumat verib.

O, bildirib ki, COVID-19-a yoluxanlar ən çox ağciyər problemindən təsirlənirlər. Havanın keyfiyyəti isə infeksiya riskinə və xəstəliyin şiddətinə təsir edir.

Həkim havanın oksigenlə bol olmasının bütün tənəffüs yolları xəstəliklərinin gedişini asanlaşdırdığını vurğulayıb.

"Havanın tərkibində oksigen nə qədər çox olarsa, insanın koronavirus infeksiyası da daxil olmaqla tənəffüs yollarının xəstəliklərinə dözməsi o qədər asan olacaq", - deyə Vladimir Bolibok əlavə edib.

"Buna görə daim təmiz hava axını təmin olunmalıdır. Yataq otaqlarına xüsusi diqqət yetirilməlidir - yaxşı havalandırılmalı, tozdan təmizlənməlidir, çünki günün əhəmiyyətli bir hissəsini orada keçiririk", - deyə həkim vurğulayıb.