Çinli alimlər apardıqları araşdırmada yaşlanmanın təsirini azaldan və ömrü uzadan bir gen müalicəsi inkişaf etdirdiklərini açıqlayıblar.

Aztibb.az naukatv.ru-ya istinadən  xəbər verir ki, "Science Translational Medicine" jurnalında nəşr olunan məqalədə detallı olaraq açıqlanan müalicə yaşlanmanı təmin edən Kat7 adlı bir geni təsirsiz hala gətirməyi ehtiva edir.

Tədqiqatı aparan Çin Elmlər Akademiyasının Zoologiya İnstitutunun tibb mütəxəssisi, professor Qu Jing istifadə etdikləri spesifik müalicənin və nəticələrinin dünyada bir ilk olduğunu söyləyib.

"Biz təxminən 10 min gen arasından 100 geni təsbit etdik. Kat7 hüceyrə yaşlanmasını ən çox artıran gendir. Yaşlanmağı çox kiçik nisbətdə belə gecikdirmənin bir yolunu tapa biləcəyimizə inanırıq", - deyə Qu Jing bildirib.

Araşdırmaçı bu üsulun meymunlar üzərində sınaqdan keçiriləcəyini söyləyib.