Kioto Universitetinin alimlərinin araşdırmalarına görə, qara çay antivirus fəallığına malikdir.

Aztibb.az meddaily.ru-ya istinadla xəbər verir ki, qara çay 10 saniyə ərzində ağızda saxlanılarsa insanın tüpürcəyində SARS-cov-2-ni məhv edir.

Rusiya mütəxəssisləri də çayın belə effektini istisna etmirlər. Çünki, çay patogenə hüceyrələrə daxil olmağa kömək edən virus zülalını dağıdan aşılayıcı maddələrə malikdir.

Çayın yarpaqlarında antioksidantlar - katexinlər mövcuddur. Yarpaqların emalı zamanı onlar başqa bioloji aktiv birləşmələr yaradırlar.

Qara çayın faydalarını araşdırmaq üçün könüllülər üzərində bir neçə sınaq aparılıb. Belə ki, bir dəqiqə ərzində virus yüklənməsi göstəriciləri müəyyən edilə bilməyəcək səviyyəyə qədər düşüb. Çayın digər növləri də virusa təsir edib, lakin qara çay qədər effektiv nəticə əldə olunmayıb.

Qeyd olunub ki, çayda tanin kimi aşılayıcı maddələr var. Bu, virus zülallarının dağıdılmasına səbəb olan güclü agentdir. Buna görə də, çay nə qədər tünd olarsa, tanin, o cümlədən virusun zərərsizləşdirilməsi effekti bir o qədər güclü olar.