Mayonez günəbaxan və ya zeytun yağı, yumurta sarısı və xardalın qarışımından hazırlanmış sousdur. Onun tərkibinin 70 faizini yağlar təşkil edir. Sousa sirkə (və ya limon şirəsi), ədviyyatlar, şəkər, duz da əlavə olunur.

Aztibb.az ria.ru-ya istinadla xəbər verir ki, həkim-diyetoloq Olqa Sizova mayonezdən imtina etmək üçün 5 səbəbə diqqət çəkir.

Çəki artımına səbəb olur

"Mayonez maddələr mübadiləsi və ya artıq çəki problemləri olanlar üçün zərərlidir. Salatların əksəriyyətində onu yağsız yoqurt, xardallı xama və ya balzamik sousu ilə əvəz etmək lazımdır.  Əgər siz arıqlamaq istəyirsinizsə, mayonezi ev xəmirinə əlavə etmək, kartof və ya kotletlərin yanında yemək olmaz", - həkim-diyetoloq Olqa Sizova bildirib.

"Yüngüllük" nisbidir

"Yüngül" mayonezdə kalorilik təxminən 100 qramda 300-400 kilokolori təşkil edir. Bir xörək qaşığı üçün yağlı mayonezlə "yüngül" mayonezin kilokoloriləri arasındakı fərq çox deyil. Bundan başqa, insanlar düşünürlər ki, "pəhriz" mayonezini salata daha çox əlavə etmək olar. Bu yanlış düşüncədir.

Mədəaltı vəzinə zərbə

Əgər mədəaltı vəzi ilə bağlı problemlər, öd daşı, diskeneziya varsa mayonez kəskinləşməni provokasiya edə bilər.

Qaraciyər daha pis işləyə bilər

50 yaşdan sonra yağlardan istifadəni məhdudlaşdırmaq lazımdır: gündə 40-50 qram yağ maksimal mümkün rəqəmdir. Onun hansısa bir hissəsi mayonezin payına düşə bilər. Daha çox yağ yaşlı insanlarda qaraciyər problemləri yarada bilər. Beləliklə, mayonezi menyudan çıxarmaq daha yaxşıdır, yağları isə daha yüksək qida dəyəri olan məhsullardan (zeytun yağı, pendir, çərəzlər) almaq lazımdır.

Sirkə turşusu (uksus)

Sirkə turşusu mayonezin saxlanılması müddətini uzadan təbii konservantdır. Əgər kəskinləşmə mərhələsində olan mədə və ya bağırsaq xəstəlikləri varsa bu məhsulu rasiyondan tamamilə çıxarmaq vacibdir. Turşu və yağlar mədənin selikli qişasına neqativ təsir edə bilər.

Xatırlamaq lazımdır ki, mayonez qidaya əlavədir, və onu əvəz etmək məcburi deyil: onu gündə bir xörək qaşığından artıq yeyilməsi məsləhət görülmür.