Rusiya Elmlər Akademiyasının Bioorqanik Kimya İnstitutunun laboratoriya müdiri Yuri Utkinin rəhbərlik etdiyi alimlər qrupu insan hüceyrələrinin koronavirusa yoluxmasının qarşısını ala biliblər.
Aztibb.az meddaily.ru-ya istinadən xəbər verir ki, alimlər bunun üçün gürzə və başqa ilanların zəhərinin tərkibindəki fosfolipaz ailəsindən olan fermentlərdən istifadə ediblər.
Müəyyən olunub ki, koronavirusun səthində öz strukturuna görə hüceyrə membranının fosfolipaz A2 (PLA2) molekullarının hücüm etdiyi hissələrinə oxşar piy molekulları mövcuddur. Hüceyrələr üzərində işləmək üçün gürzələrin bir neçə növünün zəhərindən PLA2 molekulları xaric edilib. İlan zəhərinin bütün formaları hüceyrələrdə virusun artımını dayandırıb. Nikol gürzələrinin zəhərindəki fosfolipaz növləri isə xüsusi effektivlik göstərib.
Onların zəhərindən hazrılanmış fermentlər virusun yayılmasını dayandırır, qidalandırıcı mühitdə virus hissəciklərini məhv edir və onlara hüceyrələrin səthindəki reseptorlarla birləşməyə mane olur.
Qeyd olunur ki, fosfolipazın effektiv dozası hüceyrələrin özlərinin səthini məhv etmir və onlarda təhlükəli dəyişikliklərə səbəb olmur.