Son zamanlar tibbi marixuana güclü ağrıları olan pasiyentlərə tez-tez təyin olunur.
Aztibb.az meddaily.ru-ya istinadən xəbər verir ki, yeni tədqiqat göstərib ki, ağrının azaldılması üçün tibbi marixuanadan istifadə edən insanların yarısından çoxu narkotik bitkisini istifadə etmədikdə onun ləğvi sindromundan əzab çəkirlər.
Bu tədqiqatlarda iştirak etmiş pasiyentlərin təxminən 10%-də yuxunun keyfiyyətinin, əhval-ruhiyyənin, psixi vəziyyətin pisləşməsi, enerji və iştahın səviyyəsinin azalması müşahidə olunub.
Ekspertlərin sözlərinə görə, bu simptomlar onların əsas xəstəliyinə görə deyil, bədənin kannabinoidlərin yoxluğuna reaksiyasına görə baş verir.
Bundan əlavə, əvvəlki tədqiqatlar göstərib ki, insanda simptomlar nə qədər çox və ciddidirsə onun marixuanadan istifadəsinin həcmini azalda bilməsi ehtimalı o qədər azdır.
Hazırda müxtəlif xəstəliklər üçün tibbi marixuana məhsullarının dozası ilə bağlı rəsmi qəbul edilmiş standart yoxdur. Bu isə ləğv sindromu riskini yüksəldir.