Bu ilin altı ayı ərzində Naxçıvan Muxtar Respublikasında (NMR) səhiyyə sisteminin infrastrukturu və maddi-texniki təchizatı daha da gücləndirilib.
NMR-in Səhiyyə Nazirliyindən Aztibb.az-a bildirilib ki, pandemiya dövründə səhiyyə xidmətlərinin səviyyəsinin müasir tələblərə çatdırılması, keyfiyyətinin daha da yaxşılaşdırılması məqsədilə Ali Məclis Sədrinin tapşırığı ilə 2 EKMO, 20 stasionar, 4 portativ süni tənəffüs aparatı, 2 hemodializ cihazı, 4 mobil rentgen cihazı, 30 infuziya pompası, 20 yataqbaşı kardiomanitor, 10 elektrosorucu, ümumilikdə, 40 funksional çarpayı alınaraq ehtiyac olan səhiyyə müəssisələrinə təqdim edilib.
Pandemiyanın muxtar respublika ərazisində yayılmasının qarşısının alınması və təsirinin azaldılması istiqamətində görülən tədbirlər sakinlər arasında yoluxma hallarının minimum həddə qeydə alınması ilə nəticələnib.
