Dövlət Gömrük Komitəsindən Aztibb.az-a verilən məlumata görə, Komitənin Tibbi Xidmət İdarəsinin rəisi, tibb xidməti general-mayoru Ceyhun Məmmədov və Dövlət Gömrük Komitəsi Tibbi Xidmət İdarəsinin Mərkəzi Gömrük Hospitalının baş həkimi, tibb xidməti polkovniki Elman Məmmədov Azərbaycan Respublikasının ərazi bütövlüyünün bərpası uğrunda aparılan döyüş əməliyyatları zamanı Azərbaycan Respublikası Müdafiə Nazirliyinin tibbi hərbi hissə və müəssisələrinin işinin fasiləsiz rejimdə təmin olunmasında, yaralılara tibbi yardımın təşkilində, zəruri avadanlıq, dərman vasitələri və digər ləvazimatlarla təminatına layiqli töhfə verdiklərinə görə Azərbaycan Respublikası Müdafiə naziri general-polkovnik Zakir Həsənov tərəfindən Fəxri Fərman ilə təltif olunublar.

 

Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu topraqlarımızı işğaldan azad edərək Azərbaycanın ərazi bütövlüyünü bərpa etdi. Vətən müharibəsi Azərbaycan xalqının birliyini, yenilməzliyini, əsgər və zabitlərimizin igidliyini, cəsarətini, qəhrəmanlığını bir daha bütün dünyaya göstərdi. Dövlət Gömrük Komitəsi Tibbi Xidmət İdarəsi və Mərkəzi Gömrük Hospitalı da 44 gün davam edən bu müharibə zamanı zabit və əsgərlərimizə öz layiqli dəstəyini verdi.