Qoz az miqdarda karbohidrat, bol sellüloz və faydalı yağlara malikdir. Lakin qeyd olunanlar qozu rasiona əlavə etmək üçün tək səbəb deyil.

Aztibb.az medikforum.ru-ya istinadla qozun 3 problemə faydasını təqdim edir:

Xolesterin

2017-ci ildə "Nutrients" jurnalında dərc edilmiş tədqiqat göstərib ki, səkkiz həftə ərzində sınaqlarda iştirak edən qozu daimi rasionuna əlavə edənlərdə xolesterinin səviyyəsi aşağı düşüb. Bu, çərəzlərin tərkibindəki çox miqdarda faydalı yağlarla əlaqədardır.

Təzyiq

Qozda mövcud olan yağlar yüksək qan təzyiqinin azalmasında kömək edə bilər. "Journal of the American Heart Association"da 2019-cu ildə dərc edilmiş tədqiqat göstərib ki, , qozla zəngin pəhrizə əməl edən iştirakçılar arasında xolesterinin səviyyəsinin aşağı düşməsindən başqa, həmçinin arterial təzyiqin azalması müşahidə olunub.

Artıq çəki

Qoz daha uzun müddət toxluq hissini saxlamağa kömək edir. O, kalorili qida olsa da, ilkin tədqiqatlar göstərib ki, qoz arıqlamağa kömək edə bilər.