Yaponiyada kişilərin və qadınların orta ömür həddi ötən il daha uzun müddət davam edərək rekord səviyyəyə çatıb. 

Aztibb.az xəbər verir ki, bu barədə Yaponiya Səhiyyə, Əmək və Sosial Təminat Nazirliyi məlumat yayıb.

Bildirilir ki, ötən il Yaponiyada qadınların orta ömür həddi 87,45 il, kişilərinki isə 81,41 il təşkil edib.

Həmin göstərici Yaponiyanın şimal-şərqində 2011-ci ilin martında baş verən zəlzələdən və sunamidən sonra aşağı düşmüşdü. Lakin bundan sonrakı illər ərzində orta ömür müddəti qadınlar üçün yeddi il, kişilər üçün isə səkkiz il ardıcıl olaraq artıb və yeni rekord səviyyəyə çatıb.

Qeyd edək ki, yapon qadınlar uzun ömürlülük baxımından dünyada Honkonq qadınlarından sonra ikinci yeri tuturlar. Yapon kişilər isə Honkonq və İsveçrə kişilərindən sonra üçüncü yerdə qərarlaşıblar.