Qadınlarda baş verən sonsuzluğun səbəblərindən biri də psixogen sonsuzluqdur. Psixogen sonsuzluq dedikdə uşaqlıq və yumurtalıq sistemində heç bir patoloji xəstəlikləri olmayan, hormonları normal olan, amma 1 ildən çox cinsi həyat keçirməsinə baxmayaraq hamilə qalmamaq nəzərdə tutulur. Bunun səbəbi qadının psixologiyasında problemlərin olmasıdır.

Dəfələrlə övladlığa uşaq götürdükdən sonra hamilə qalan qadınlara rast gəlinib. Bunun səbəbi qadının özünü ana hissetməsi və ya uşaqla məşğul olduğuna görə hamilə qala bilməməsi barədə düşünməməsidir.

Aztibb.az xəbər verir ki, psixoloji sonsuzluq çətin müalicə olunan xəstəlikdir. Onun müalicəsində psixoterapevtlərlə psixoloqlar birlikdə məşğul olurlar. Bəzən sedativ vasitələrin, trankvilizatorların təyininə baxmayaraq müalicə effektiv təsirini göstərmir.

Uzun müddət sonsuzluqdan əziyyət çəkən qadınlara psixonevroloqun konsultasiyası məsləhət görülür. Mütəxəssis tərəfindən mərkəzi sinir sistemini sakitləşdirən dərmanların təyini bəzi hallarda ovulyasiyanı stimulyasiya edən dərmanların təsirindən daha effektiv olur.