Depressiya ən geniş yayılmış əsəb pozuntusudur. Əldə olan məlumatlara görə hər beş nəfərdən biri ömründə heç olmasa bir dəfə depressiya ilə xəstələnir.
Adi emosional dəyişikliklərdən fərqli olaraq depressiyada əhvali-ruhiyyənin enməsi və digər emosional pozuntular davamlı olur və bir sıra hallarda səbəbsiz meydana çıxır.
Aztibb.az depressiya xəstəliyinin əlamətlərini təqdim edir:
* İnsan əvvəllər zövq aldığı şeylərdən artıq zövq almır, həyatdan soyuyur.
* Depressiyada olan şəxs hər şeydən çox tez yorulur, uzanıb yatmağa bəhanə axtarır.
* Ətrafdakı hər işə qarşı istəksiz olur.
* Bütün problemləri gözündə böyüdür, hər şeydən qorxur.
* Cinsi həvəsi olmur, cinsi əlaqə zamanı orqazm yaşamır.
* Depressiya xəstələrində yuxu pozğunluqları olur. Yuxuya getməkdə çətinlik çəkir.
* Hər şeydən küsür və hər şeyi özünə dərd edir.
* Qorxulu yuxular görür və qorxub oyanır.
* Depressiya xəstələri hövsələsiz, dözümsüz, əsəbi olur.
* Depressiya xəstələri həddindən artıq kökələ və ya arıqlaya bilirlər.
* Belə xəstələr yaddaşsız olurlar.
* Depressiyalı xəstələr həyatda heç nədən razı qalmırlar.
* Depressiyada olan adamlar heç nəyə sevinmirlər. Onların həyata olan sevgisi ölür.
* Belə xəstələr daima əllərində olanları itirmək qorxusu ilə yaşayırlar.
* Depressiya xəstələri özlərinə qarşı diqqətli olmurlar, geyimlərinə, saçlarına diqqət yetirmirlər.
* Onlarda digər ölkəyə getmək həvəsi olur.
* Hər şeydən şübhələnir və qısqanc olurlar.
* Hər şeyin ən pisini fikirləşirlər.
* İntihara meyilli olurlar.
