Botoks inyeksiyaları bədənin hansı nahiyəsinə vurulmasından asılı olmayaraq antidepressiv effektə malikdir.

Aztibb.az xəbər verir ki, bu barədə ABŞ-ın bir qrup alimi “Scientific Reports” jurnalında dərc etdirdikləri məqalədə məlumat veriblər.

Tədqiqatçılar 40 000-dən çox pasiyent üzərində botoksun yan təsirlərini analiz ediblər. Həmin şəxslərə inyeksiyanı həm kosmetoloji, həm də tibbi (əzələ spazmları üçün) məqsədlərlə vurublar.

Bütün araşdırma iştirakçıları eyni həkim, lakin fərqli müalicə metodu tətbiq olunan nəzarət qrupunda toplanıblar. Məqsəddən və bədən üzvündən asılı olmayaraq botoks yeridilən insanlarda depressiv əlamətlər 40-88% daha az qeydə alınıb.

"Araşdırmanın nəticələri insanın əhvalına təsir edən və depressiya ilə mübarizə aparan yeni müalicə metodunu dəstəkləyir. Bu üsul məhdud sayda müşahidələrə deyil, kütləvi məlumatlara əsaslanır”, - deyə alimlər bildiriblər.