Mərkəzi Klinikada ciddi bağırsaq problemi ilə doğulmuş körpənin həyatı uğurlu əməliyyat nəticəsində xilas edilib.

Aztibb.az Mərkəzi Klinikaya istinadla xəbər verir ki, çəkisi 2 kq 200 qr olan körpə qız uşağı ölüm riski yüksək olan, bağırsaqların nadir ağır inkişaf qüsuru ilə dünyaya göz açmışdır:

“Hələ hamiləlik dövründən körpənin belə bir problemlə doğulacağı bəlli idi.

Yüksək riskli olsa da, körpənin bağırsaqlarını qorumaq məqsədilə elə doğulduğu gün onu əməliyyata almalı olduq.

Məlum oldu ki, bu kimi problemləri olan uşaqların 60%-i təəssüf ki, həyatını itirir. Belə ki, bağırsaqlar anormal yerləşirdi, acı bağırsağın ucu kor qurtarırdı və olduqca geniş idi. Digər bağırsaqlar bətndaxili işləmədiyi üçün olduqca incə idi və bağırsaqları qidalandıran damarlarda ciddi problem mövcud idi".

Lakin Mərkəzi Klinikanın uşaq cərrahı, uzman-həkim Fuad Hüseynovun həyata keçirdiyi uğurlu cərrahi əməliyyat, eləcə də klinikanın peşəkar həkim və neonotoloqlarının səyi nəticəsində bağırsaqlar uc-uca tikilmiş, öz yerinə yerləşdirilmişdir. Artıq körpə normal həyatına davam edir.