Bu ilin yanvar-noyabr ayları ərzində Azərbaycanda fəaliyyət göstərən sığorta şirkətləri tərəfindən könüllü tibbi sığorta üzrə 90 889,6 min manat sığorta haqqı toplanıb.

Azərbaycan Mərkəzi Bankının (AMB) verdiyi xəbərə görə, tibbi sığorta üzrə yığımlar ötən ilin eyni dövrünə nisbətən 7,1% artıb.

Eyni zamanda, şirkətlər tərəfindən hesabat dövründə 54 254,1 min manat həcmində ödəniş həyata keçirilib ki, bu da ötən ilin müvafiq dövrü ilə müqayisədə 4,5% azdır.