Meyvə çayları meyvə, gilmeyvə və onların yarpaqlarından dəmlənən və orqanizmin müqavimətini artıraraq immuniteti yüksəldən çaylardır.

Aztibb.az xarici KİV-ə istinadən xəbər verir ki, meyvə çayının tərkibində müxtəlif efir yağları var. Bu çayları isti və soyuq halda içmək olar. Onların tərkibində kofein yoxdur, ona görə də meyvə çayını günün bütün saatında içmək mümkündür. Meyvə çayını istənilən meyvədən hazırlaya bilərsiniz. Bu çayların dadında və rəngində müxtəliflik hiss olunsa da onlar orqanizm üçün olduqca faydalıdır.

Meyvə çaylarının faydaları  

 
Meyvə çaylarının tərkibi vitamin və mikroelementlərlə zəngin olur. Bu çaylar orqanizmə tonuslandırıcı və hüceyrələri yeniləyici təsir göstərir.

Çiyələk, moruq, sitrus meyvələri, alma, armud, yemişan, banan, müxtəlif giləmeyvələr, ərik, üzüm, müxtəlif bitkilər və onların yarpaqlarından meyvə çayı dəmləmək mümkündür.

Hazırlanması:

Dəm çaynikinə meyvə dilimləri, yarpaqları və s. tökülür, üzərinə qaynar su əlavə edilib, bir-neçə dəqiqə dəmlənir. Meyvə çayını uzun müddət qaynatdıqda onun tərkibindəki efir yağları qaynayaraq uçur və çay dadlı olmur. Ən yaxşı dad almaq üçün dəmləməyə qoyulduqdan 10-15 dəqiqə müddətində çaynik odun üstündən götürülməlidir.