Qanın laxtalanma qabiliyyətinin çox olması bir sıra xəstəliklərə səbəb olur. İnfarkt, insult, tromboflebit, venaların varikoz genəlmələri, babasil və s. belə xəstəliklərin siyahısında ilk yerlərdə durur. Belə ki, laxtalanmaya meyilli qanda tromblar əmələ gəlir və bu tromblar qan damarlarında asanlıqla hərəkət edir. Trombların ürəkdə, beyin damarlarında tıxanıb qalması isə həmin nahiyəyə oksigenin getməməsinə səbəb olur. Tutulmuş nahiyəyə qanın işləməməsi həmin nahiyədə oksigen aclığına səbəb olur və xəstəlik əmələ gəlir.

Aztibb.az xəbər verir ki, bu patologiyaların baş verməməsi üçün qanın laxtalanmasını nəzarət altında saxlamaq və laxtalanma sürətini azaltmaq lazımdır. Qanın laxtalanmasının qarşısını almaq üçün çox dərman preparatları mövcuddur. Lakin qida rasionuna nəzarət edərək də qanınızın laxtalanmasının qarşısını almaq mümkündür.

Aşağıdakı qidalar qan laxtalanmasını azaldacaq, tromb əmələ gəlməsinin və bu səbəbdən meydana çıxan xəstəliklərin qarşısını alacaq.

Gün ərzində ən azı 5-6 stəkan adi su için. 

2. Gündəlik rasionunuza zeytun və ya kətan yağı əlavə edin.
3. Alma sirkəsini suya qatıb için. Bu zaman 1 çay qaşığı sirkəni 1 stəkan ilıq suda həll edin.
4. Hər gün qidanıza soğan və ya sarımsaq əlavə edin.
5. Limonlu su və ya limon şirəsi sıxılmış salatlar qanda tromb əmələ glməsinin qarşısını alır.
6. Çuğundur şirəsi qanı duruldur.
7. Tünd şokolad qəbul edin.
8. Balıq və balıq yağı qanın laxtalanmasının qarşısını alır.
9. Hər gün pomidor yemək və ya pomidor şirəsi içmək qanı duruldur.
10. Moruq, qara və ya qırmızı yemişan şirəsi, albalı, çiyələk, böyürtkən yemək qan laxtalanmasının qarşısını alır. Bunun üçün hər gün bu meyvələrin birindən ən azı 200 qram yemək lazımdır.
11. Hər gün qidalarda zəncəfildən istifadə edin.

Aşağıdakı qidalar qanın laxtalanmasına səbəb olur:
* ət bulyonu
* kolbasa
* hisə verilmiş qidalar
* ağ çörək
* qaymaq
* banan və manqo  
* bəzi bitkilər - pişikotu, gicirtkən, qarğıdalı saçağı, qırxbuğum, dazıotu və s.dəmləmələrini uzun müddət içdikdən sonra fasilə vermək və sonra yenidən qəbul etmək lazımdır.

Çoxlu miqdarda duzlu qida qəbulu, siqaret, sidikqovucular və hormonal preparatlar da qanın laxtalanmasına səbəb ola bilir.