Aztibb.az xəbər verir ki, bu fikirləri həkim-fitoterapevt Fizuli Hüseynov bildirib. 

 

Həkim bildirib ki, bütün növ ürəkbulanmalarda (hamiləlik, kimyəvi terapiyadan sonra, beyin, mədə-bağırsaq mənşəli) əvəzsiz vasitədir. Ürəkbulanmalar zamanı təzə zəncəfil quru zəncəfildən daha faydalıdır. Bağırsaq spazmalarında, bağırsaqlarda köp hallarında zəncəfil çayının içilməsi bağırsaqların hərəki funksiyasını artırır, bağırsaq divarının keyfiyyətini artırır.

 

"Uzun illərdən bəri xalqımız zəncəfil qarışdırılmış balı bədən zəifliyində, immuniteti artırmaq üçün, halsızlıqlarda, baş gicəllənmələrində istifadə edir. Zəncəfil tozunun bal ilə qarışımı xroniki öskürəklərdə çox faydalıdır. Bu toz qarışımlı bal immun sistemini gücləndirməklə yanaşı, allergik bronxit mənşəli öskürəklərin müalicəsində də geniş istifadə olunur. Zəncəfildən arıqlamaq məqsədilə istifadə edə bilərsiniz. Zəncəfil çayı oksidləşmə reduksiya proseslərini artırır, yəni piylərin əridilməsini sürətləndirir. Bununla yanaşı, oynaq, əzələ, baş ağrılarında zəncəfil çayı əvəzolunmazdır. Revmatizmaların bütün növlərində zəncəfil həm müalicəvidir, həm də ağrıkəsici təsirə malikdir", - deyə F.Hüseynov əlavə edib.

 

Fitoterapevt soyuqdəymələrdə, qriplərdə, temperaturun yüksəlməsində faydalı olduğundan gün ərzində 8-10 stəkan zəncəfil çayının zoğal mürəbbəsi ilə tərləyənə qədər içilməsini məsləhət görür.

 

O, həmçinin boyun osteoxondrozunda bu bitkinin müsbət təsirlərindən danışıb. Bildirib ki, təzə zəncəfili ət maşınından keçirib bərabər miqdarda kartof əzməsi ilə qarışdırmaqla parçaya yaxıb təpitmə edərək onurğa üstündəki ağrılarda, diz artrozlarında, ümumiyyətlə bütün onurğa ağrılarında bağlamaq lazımdır. Belə hallarda zəncəfil mükəmməl bir ağrıkəsici rolunu oynayacaq.