Eritreyada pandemiya elan olunandan etibarən koronavirusdan ilk ölüm hadisəsi qeydə alınıb.

Aztibb.az “Sinhua” agentliyinə istinadən xəbər verir ki, bu barədə ölkənin Səhiyyə Nazirliyi məlumat yayıb. Təfərrüatlar hələ verilməsə də, koronavirusdan ölən şəxsin 50 yaşında bir kişi olduğu, yerli xəstəxanada müalicə aldığı qeyd olunub.

Son məlumatlara görə, Eritreyada ümumilikdə 877 koronavirusa yoluxma faktı qeydə alınıb, 599 nəfər isə xəstəlikdən sağalıb.