Hindistanda çirkli hava ötən il 1,6 milyon insanın ölümünə səbəb olub.

Aztibb.az xəbər verir ki, bu barədə Hindistanın Tibbi Tədqiqatlar Şurası məlumat verib. Aparılan araşdırmalara görə, 2020-ci ildə Hindistanda çirkli hava 1,67 milyon insanın ölümünə və 36,8 milyon dollarlıq iqtisadi zərərə səbəb olub. Qeyd olunub ki, bu göstərici ümumi ölüm hallarının 17,8 faizini təşkil edir.

Çirkli havada olan zərrəciklərin yol açdığı xəstəlik və ölümlər ölkənin səhiyyə sisteminə 12 milyard dollar zərər vurub.

Tədqiqat qrupunun rəhbəri, Boston kollecinin epidemioloqu Flip Con Landriqan 1,35 milyard insanın yaşadığı ölkədə hava çirkliliyinin təsirini azaltmaq üçün tədbir görülməzsə, mənfi nəticələrin uzunmüddətli olacağını bildirib.