Bu məcun həm çox dadlı, həm də faydalıdır. Məcun öz zəngin tərkibi ilə imunniteti əhəmiyyətli dərəcədə artırır. İstifadədən 3 gün sonra təsirini hiss etməyə başlayacaqsınız. O, gözlərin görməsini yaxşılaşdırır, ürəyin ritmini və vurma gücünü qüvvətləndirir, qan azlığı, başgicəllənmə üçün faydalıdır, adamı tox tutur, kalsium çatışmazlığı üçün faydalıdır, tərkibində sellüloza çox olduğundan bağırsaqların normal fəaliyyətini təmin edir. Məcun həm də güclü antioksidantdır, xərçəngin profilaktikası üçün faydalıdır. 

Aztibb.az xəbər verir ki, bu barədə həkim-fototerapevt Fizuli Hüseynov məlumat verib. O, şəfalı məcunun reseptini təqdim edib: 

• Xurma – 300 qram
• Əncir – 300 qram
• Qara kişmiş – 300 qram
• Qoz – 300 qram
• Nar şirəsi – 1 stəkan
• Bal – 1 stəkan

Həkim bildirib ki, məcunun hazırlanması zamanı meyvələrin quru olmasına fikir verilməlidir. 

"Meyvələr və qoz üyüdülür, bal ilə nar şirəsi bir-birinə qarışdırılır, sonra hamısı bir-birinə yaxşı-yaxşı qarışdırılır, şüşə balona tökülür, ağzı kip bağlanılır. Məcundan böyüklər gündə üç dəfə yeməkdən əvvəl bir xörək qaşığı, uşaqlar isə bir çay qaşığı istifadə edə bilərlər. Məcun soyuq yerdə saxlanılmalıdır, 20 gün müddətində yeyilib qurtarılmalıdır. Dadı xoşagələndir".