Göyərtilər insan orqanizmini müxtəlif xəstəliklərdən mühafizə edir. Hər bir bitkinin orqanizmdə mühüm əhəmiyyəti vardır.

Aztibb.az Türkiyə mətbuatına istinadla xəbər verir ki, Türkiyənin bitkilər üzrə mütəxəssisi Muammer Yıldız vəzərinin faydaları barədə danışıb. Bildirib ki, turpkimilər fəsiləsindən olan vəzəridən hamilələrin ilk 3 ayda istifadə etmək məsləhətdir.

Vəzəri tək halda yeyilməlidir. Hansısa göyərti və ya yeməklərlə yeyildiyi təqdirdə faydaları kəskin azalır. Tərkibi B6 vitamini ilə zəngindir. Həzm sistemini asanlaşdırır, bağırsaq sisteminə faydalıdır".

Həkim, ağciyər xərçənginə qarşı bu bitkinin sonsuz xeyrinin olduğunu qeyd edib:

"Vəzəri ağciyər xərçənginə yoluxan xəstələrin nəfəs almaqda çəkdikləri çətinliklərə qarşı məlhəmdir. Bir müddətdən sonra nəfəs almaq daha da asanlaşacaq".

M. Yıldız bu göyərti növünün qanazlığına da faydalı olduğunu vurğulayıb. Qeyd edib ki, dəmirə bağlı qanazlığınız varsa, ara yeməklər zamanı vəzəri yeyin.

Bununla yanaşı, o, vəzərinin daha bir sıra mühüm faydalarından bəhs edib:

"Prostat böyüməsi üçün ayda bir dəfə 5 gün ərzində istifadə edin. İltihablı revmatizma xəstəliyi olanlara da faydalıdır. Xoşxassəli prostat böyüməsi ilə bağlı şikayətiniz varsa, ayda bir dəfə 5 gün ərzində vəzəri kürüsünü tətbiq etmək mükəmməl nəticə verəcək".