Bir çox analar körpələrinə süd verən zaman yenidən hamilə qalırlar.

Bəzi araşdırmalara görə, belə zamanlarda uşağı süddən kəsmək lazımdır. Belə ki, bu zaman südün keyfiyyətinin dəyişdiyi və zərərli olduğu bildirilir. Lakin  mütəxəsisslər bunun tamamilə yanlış olduğunu bildiriblər.

Onların sözlərinə görə, hamiləlik zamanı süd kanallarından gələn süd azala bilər. Qatılığı dəyişə biləcəyi üçün isə bu, körpə tərəfindən sevilməyə bilər.

Uşaq əmizdirən zaman hamilə qalan bir ananın südünün dadında və qatılığında dəyişikliklər meydana gəlir. Ginekoloqlar hamilə vəziyyətində körpəsinə süd vermək istəyən analara rahat olmalarını bildirərək qidalanmalarına diqqət etmələrini tövsiyə edirlər. Çünki bu zamanlarda həm körpə, həm də bətndəki döl ana vasitəsilə qidalandığı üçün qadın 3 nəfərin yeməyini yeməlidir. Əks halda qansızlıq, halsızlıq yaranar ki, bu da istər ana, istərsə də körpələr üçün çətin vəziyyət yarada bilər.

Qeyd edək ki, halsızlıq hamiləlik əlamətləri sırasındadır. Ancaq əmizdirən qadınlarda da yorğunluq, halsızlıq, gücsüzlük müşahidə oluna bilir.