Ağız boşluğunun mikrobiomu (ağız içində yaşayan mikroskopik canlıların hamısı) siqaret çəkməyən insanlarda ağciyər xərçəngi riski ilə bağlı ola bilər.

Aztibb.az medikforum.ru-ya istinadla xəbər verir ki, bu barədə "Thorax" jurnalında bildirilir.

Alimlər Şanxayda aparılan tədqiqat zamanı bütün həyatı boyu siqaret çəkməyən, 1996-2006-cı illər ərzində tədqiqata cəlb edilən və hər 2-3 ildən bir sağlamlıqlarına nəzarət edilən qadın və kişilərin sağlamlığı üzrə məlumatlardan istifadə ediblər.

Tədqiqata qəbul zamanı iştirakçıların ağız boşluğundan mikrobiom nümunəsi götürülüb, həyat tərzi, pəhriz, xəstəlik tarixçəsi, xəstəlik riskinə təsir edə bilən ətraf-mühit amilləri haqqında məlumat alınıb.

90 qadında və 24 kişidə ağciyərlərin xərçəngi orta hesabla yeddi il ərzində inkişaf edib. Bu hal eyni yaş və cinsdə olan siqaret çəkməyən, eləcə də mikrobiom nümunəsi verən 114 insanla müqayisə edilib. Bu qrupda ağciyərlərin xərçəngi müşahidə olunmayıb, lakin onlarda analoji təhsil səviyyəsi və ailəvi xəstəlik tarixçəsi mövcud olub.

Hər iki mikrobiomun müqayisəsi fərqləri göstərib. Bakteriyaların daha geniş spektri ağciyərlərin xərçənginin inkişafının daha aşağı riski ilə bağlı olub. Bacteroidetes və Spirochaetes növlərinin böyük həcmi daha kiçik risklə bağlıdır. Firmicutes növlərinin böyük həcmi yüksək risklə əlaqəlidir.