Dünya dövlətlərinin liderləri arasında koronavirusdən ilk ölüm qeydə alınıb.

Aztibb.az xarici KİV-ə istinadla bildirir ki, COVID-19-dan ilk ölən Afrikadakı Esvatini dövlətinin baş naziri Mandvulo Ambrouz Dlaminidir.

52 yaşlı siyasətçidə koronavirus noyabrın ortalarında aşkar olunub. Lakin onda xəstəliyin heç bir əlaməti hiss olunmayıb və özünü yaxşı hiss edib. Dlamininin vəziyyəti dekabrın əvvəlində kəskin ağırlaşıb və onu qonşu Cənubi Afrika Respublikasındakı xəstəxanalardan birinə yerləşdiriblər. Baş nazir orada iki həftəyə yaxın keçirib və vəfat edib.