Mütəxəssislər pəhrizə müntəzəm daxil olan bir sıra qidaların infarkt riskini iki dəfə azaldacağını müəyyənləşdiriblər.

Aztibb.az bildirir ki, bu barədə tədqiqatların nəticələri "Focus" jurnalında dərc edilib.

Nəşrdə diyetaya daxil edilməsi tövsiyə olunan 12 qidanın siyahısı qeyd olunur: zeytun yağı, yaşıl çay, sarımsaq, tünd şokolad, pomidor, avokado, yağlı balıq, paxlalı bitkilər, dənli bitkilər, giləmeyvə, qoz-fındıq və yarpaqlı tərəvəzlər.

Mütəxəssislər bildirir ki, zeytun yağı, pomidor və giləmeyvə içərisində antioksidantların mövcudluğu bu məhsulların ürəyə müsbət təsir göstərməsinə, xolesterol səviyyəsini azaltmasına, bədəndəki iltihablı proseslərin aradan qaldırılmasına kömək edir. Avokado, badam, yağlı balıqlarda olan tək doymamış yağ turşuları da ürək üçün faydalıdır.

Yarpaqlı tərəvəzlər, ispanaq, İsveçrə qarğıdalısı, kahı və kələmdə olan vitaminlər və minerallar damarların işini yaxşılaşdırır, taxıl bitkiləri damarları daha elastik edir.

Sarımsaq tərkibində olan allisin maddəsinə görə qan laxtalanmasının qarşısını ala bilir, yaşıl çay damarlarda yağ əmələ gəlməsini azaldır, qara şokolad damar kalsifikasiyası və işemik ürək xəstəliyi riskini azaldır.