Vaxtilə italyan xanımları kosmetik vasitə kimi xanımotunun şirəsini gözlərinə damızdırar və yanaqlarına sürtərdilər. Bunun səbəbi şirənin təsirindən göz bəbəklərinin daha parlaq görünməsidir. Bitkinin adının italyan dilindən tərcümədə “gözəl xanım” olması da bununla əlaqədardır. Bitkini bəzən “meşə gözəli” də adlandırılar.

Aztibb.az xəbər verir ki, xanımotunun tərkibində olan alkoloidlər, xüsusilə atropin kiçik dozada qəbul edildikdə mərkəzi sinir sisteminə oyadıcı təsir edir, zehni və fiziki iş qabiliyyətini artırır, nəfəs almanı tənzimləyir, tənəffüs yollarının fəaliyyətini yaxşılaşdırır.

Bundan başqa, dəridə, xüsusilə üz və boyun nahiyəsində qan damarlarını genişləndirir, nazal sinirin tonusunu zəiflədir, atroventrikulyar keçiriciliyi yaxşılaşdırır və ürək döyüntülərinin sayını artırır. Xanımotu preparatları mədə və onikibarmaq bağırsaq yaraları, xroniki kolitlər, xolesistit, xolangit və öd daşı, böyrək ağrıları, ruhi xəstəliklər, anesteziologiya və oftalmologiyada tətbiq edilir.

Köklərinin tərkibindəki skopolamın maddəsindən Parkinson xəstəliyinin müalicəsində istifadə olunur. Xanımotunun tərkibində olan alkoloidlər böyrəklər vasitəsilə orqanizmdən xaric edilir.