ABŞ-ın Ərzaq və Dərman İdarəsi ölkənin dərman istehsalçısı Pfizer və Almaniyanın BioNTech şirkəti tərəfindən hazırlanmış COVID-19-a qarşı peyvəndin Amerikada təcili istifadəsini təsdiqləyib. Vaksinin yaşı 16-dan yuxarı olan insanlara vurulacağı bildirilib.

Aztibb.az www.medimagazin.com.tr-yə istinadən xəbər verir ki, bu barədə ABŞ-ın Ərzaq və Dərman İdarəsi açıqlama yayıb.

Açıqlamada bildirilir ki, peyvənd hər ştat tərəfindən hazırlanan plana uyğun olaraq səhiyyə işçiləri və qocalar evi sakinlərinə vurulacaq.

ABŞ-ın Ərzaq və Dərman İdarəsinin üzvü, Dr. Stephen Hahn qeyd edib ki, qurumun COVID-19 peyvəndi üçün təcili istifadəyə icazə verməsi, ABŞ-da və dünyada bir çox ailəyə təsir edən bu dağıdıcı epidemiyaya qarşı mübarizədə mühüm bir dönüş nöqtəsi yaratmaqdır. 

Vaksin Amerika vətəndaşları üçün ödənişsiz olacaq.