Yeni növ koronavirus (COVID-19) infeksiyasına qarşı mübarizədə ən çox istifadə olunan qoruyucu vasitələrdən biri də spirtdir.

Aztibb.az xəbər verir ki, onun istifadə qaydası barədə Bakıdakı 15 nömrəli poliklinikanın həkim-dermatoloqu Solmaz Orucova məlumat verərək deyib: “Spirtdən gün ərzində nə qədər istifadə edilməsi nə qədər insanla təmasda olmaqdan asılıdır. Çox təmas saxlanılması çox istifadə edilməsini zəruri edir. Ən əsas məsələlərdən biri əlləri spirtlə dezinfeksiya edəndən sonra onu üzə, gözə və buruna toxundurmamaqdır. Lakin spirtdən aşırı dərəcədə istifadə edilməsi xüsusilə xanımlarda və yeniyetmələrdə allergik dəri xəstəliklərinə səbəb ola bilər”.

Həkim-dermatoloqun dediyinə görə, spirtin içərisinə su və ya hansısa maye qatılması onun təsir gücünü azaldır.