Son tədqiqatlara əsasən, C vitamini COVID-19-u ağır formada keçirən insanlar üçün xilas yolu ola bilər. O, həmçinin xəstəliyin simptomlarını azalda bilər.

Aztibb.az medikforum.ru-ya istinadla xəbər verir ki, alimlər "Nutrients" jurnalında koronavirus infeksiyasına yoluxmuş insanların terapiyasında C vitamininin istifadəsi zamanı onun effektivliyinə dair hesabat dərc ediblər.

Tədqiqatın müəllifləri 100-dən çox tədqiqatın nəticələrini təhlil ediblər və belə nəticəyə gəliblər ki, C vitamini COVID-19-u ağır keçirənlərin həyatlarını xilas edə, infeksiyanın daha yüngül formaları zamanı isə simptomları yüngülləşdirə bilər.

Tədqiqatçılar təsdiq edirlər ki, xəstəxanada koronaviruslu insanların müalicəsində C vitaminin yüksək dozalarının tətbiqi steroidlərlə terapiyaya nisbətən daha effektivdir. Onlar damcı halında C vitamini qəbul edən pasiyentlərin müalicəsinin məhsuldarlığını steroid preparatı olan deksametazonun təsiri ilə müqayisə ediblər.

Alimlər izah edirlər ki, insan ağır infeksiyaya yoluxduqda onun orqanizmi immun sistemini dəstəkləmək üçün C vitaminini daha intensiv istifadə etməyə başlayır. Ona görə də, orqanizmdə bu vitaminin defisiti yaranır. 

Tədqiqat göstərib ki, C vitamini reanimasiya bölmələrində yatan COVID-19 pasiyentlərinin ölüm göstəricisini 68 faiza sala bilər.