Ayaq dırnaqlarının rənginin dəyişməsi, onun qalınlaşması və qaşınmalar göbələk infeksiyasının əlamətləridir. Yer kürəsi əhalisinin hər 5 nəfərindən biri ayaq və dırnaq göbələklərindən əziyyət çəkir.

Köhnə, nimdaş ayaqqabı, immunitetin aşağı düşməsi, ayaqların çox tərləməsi, ayaqlara düzgün qulluğun edilməməsi ayaq göbələklərinin əmələ gəlməsinə səbəb olur.

Aztibb.az göbələk xəstəliyi zamanı effektiv olan təbii vasitəni təqdim edir.

Qida sodası və alma sirkəsi qarışımından hazırlanan məlhəmlə ayaq barmaqlarının arasındakı göbələk xəstəliyindən və dırnaq göbələklərindən xilas olmaq mümkündür.

Bir pay alma sirkəsi və 3 pay isti su götürülüb qarışdırılır, ayaqlar 20 dəqiqə vanna edilir. Sonra başqa bir vannada ayaqlar isti sodalı suda vanna edilir. Bu zaman ayaqlar sodalı suda 15 dəqiqə saxlanılır, çıxarıldıqdan sonra qurudulur. Ayaqlar və barmaqların arası yaxşı qurudulduqdan sonra çayağacı yağı sürtə bilərsiniz.

Hər axşam yatmazdan əvvəl bu üsulla vanna etsəniz ayaqlarınızda və dırnaqlarınızda olan göbələk xəstəliyindən 10-15 gün ərzində xilas ola biləcəksiniz.